اجهاد حراري

اجهاد حرارى

يعتبر من اخطر الظواهر اللى يمر بيها اى طير سواء تسمين او امهات اوبياض

الاجهاد الحرارى يعنى طير معرض لحرارة اكثر من طاقتة

بنعرفها لما الطير يبدا بالنهجان ولو الحرارة رفعت شوية يقوم بابعاد الجناج عن جسمة علشان يبرد نفسة وفى المرحلة دى بيحصل تعامد من الريش على سطح جلد الطير بالتالى بيسيب فجوات يدخل منها الهواء ف يبرد نفسة

واذا رفعت الحرارة عن المرحلة دى يبدا النافق ويموت الاحجام الكبيرة

هل الاجهاد الحرارى فقط بيعمل نافق وبيسيب باقى القطيع فى حالة ؟؟

بالطبع لا

لانة بيزود الاجهاد التاكسدى بالتالى بيزيد معاة الشوارد الحرة

وكل دا بيضعف المناعة

عن طريق زيادة هرمون الكورتيكوسترون ودا بيسموة هرمون الاجهاد اللى اول ما تشوفة تقول ان المناعة نقصت بسببة

فبيكون الطير عرضة للاصابة الفيروسية اكثر من غيرة

من اخطر اضرار الاجهاد الحرارى

انة بيزود بروتين اسمة بروتين الصمة الحرارية 

اللى بيثبط خلايا الماكروفاج اللى بتعمل التهام لاى مرض داخل الجسم

الاجهاد الحرارى بيضعف من قوة اى برنامج تحصين مهما كان قوى وبيصد معاك قبل كدا

الاجهاد الحرارى بيقلل التحويل بسبب نقص استهلاك العلف

عاوز تعرف ازاى الاجهاد الحرارى يعتبر نار جوة العنبر؟

تعالى احسبهالك حسبة بسيطة

عارف عود الكبريت وانت مولعة

بيعطى بينتح حرارى ثلث وات او 0.3 وات

طيب عارف الكيلو لحم من الطير بينتج 10 وات حرارة كل ساعة

يعنى عنبر طاقتة 10 طير  وزنة 1.5 كيلو

بينتج كل ساعة

لو قولنا العنبر فية لحم 15000 كيلو

يعنى بينتج حوالى

15000 / 0.3

= 50000 وات كل ساعة بيطلعها الطيور من جسمها

تخيل كمية النار اللى خارجة دى

دا خلى بالك دى كمية الحرارة فقط اللى خارجة من اجسام الطيور

ضيف عليها حرارة الجو الخارجى وحرارة السبلة او الفرشة 

طبعا الطير بيعرف يلطف جسمة لكن فى حدود معينة بسبب غياب الغدد العرقية

لكن فى وسط كمية النار اللى الجسم بيخرجها دى

محتاجة خلايا تبريد وشفاطات تخرج الجحيم اللى داخل العنبر دا

طيب ازاى الطير بيموت بسبب الحر؟؟

اول ما يكثر اللهاث بيحصل زيادة كبيرة فى معدل التنفس

فبيفقد الدم جزء كبير من ثانى اوكسيد الكربون

بالتالى بيحصل خلل فى ميزان الحموضة والقلوية فى الدم

فبيتحول الدم من 7.3 الى 7.6 

فبيزد قلوية الدم

فبتقل كربونات الكالسيوم فى الدم فبيقل معاها الاتزان للاملاح المعدنية بالتالى خلل فى الانتقالات العصبية

فبيحصل حاجة اسمها زيادة حمى الكالسيوم  فبتعمل موت مفاجئى

فبيحصل نفوق

وايضا بيحصل رشح فى سوائل الدم من خلال الاوعية الدموية بالتالى بيحصل انفجار فيها

يعنى كل مراحل الاحتباس الحرارى خطر على الطير

سواء من اول ما يبدا يلهث وما يصاحبة من انخفاض مناعى بسبب زيادة الشوارد الحرة حتى انفجار الاوعية الدموية

السرد اللى فات دا علشان ابين لك

ان ممكن جدا الحر والاحتباس الحرارى بيعمل ضراوة فى الفيروسات

بسبب الضعف المناعى المعرض لة الجسم

والعنابر اللى مش فيها وسائل لتخفيف الحر عن الطير