العلف علي وجبات

يعني ايه تعلف علي وجبات

انا هضرب مثل علي 100 فرخ عشان الناس تعرف الكلام علي ايه

انت مثلا بتحط علف 24 ساعه قدام الفرخ ودا اكبر غلط انك تملي العلافه وتطرطرها علي اخرها كل اما تنقص انت تعبي

كل دا خطا والعلف هيحصل فيه مشاكل مع الحراره

طيب اول شئ من الان هتشوف العلافات فيها علف اد ايه ومعتش تحط خالص علف جديد غير لما العلافات تفضي خالص. 

ولما تفضي الفراخ تقعد ساعتين كمان بدون علف. 

هعتبر ان اول علف هتحطه هو الصباح الساعه 7 مثلا. 

هتحط في كل علافه نص كيلو علف فقط. 

في جميع العلافات كل واحده نص كيلو. 

وتصبر لحد الظهر لو خلصوهم علي الظهر يبقي تمام. 

لو خلصوا قبل الظهر يبقي تعمل حسابك تذود الكميه وتعرف الكميه وتذود شويه علف يكفوهم للظهر

 كدا وجبه اولي

 معتش تحط علف غير العصر عشان الحر*

العصر هتحط في كل علافه نص كيلو علف وهتلاقي الفراخ هاجمه علي العلف عشان مكلتش من الظهر

 ( اوعي ترفع المايه )

ودي الوجبه الثانيه

تفضل تشقر عليهم لحد ما تشوف هيخلصوا امته انا عايزهم يخلصوا العشاء يعني لو خلصوا بدري حط ليهم حاجه بسيطه كدا تكفيهم للعشاء

ولما يخلصوا علف جوعهم ساعتين وانزل بعلف يكفيهم للصباح ودي. 

الوجبه الثالثه:-

ركز بقول علف يكفيهم للصباح

هنا بقا تقدر تحط اي خلطه اعشاب بدون ماتخاف انها هتخرب العلف لان هتخلص بسرعه. 

حتي العلف الناعم ايلي في ارضيه العلافات هيتاكل. 

مع تحياتى

مهندس /صلاح حسب الله